• Share on Facebook
  • Twitter verse
  • PSALMI IUXTA HEBRAICUM TRANSLATUS (PSALTER/PSALMS)
  • Ps 2

2

1Quare turbabuntur gentes et tribus meditabuntur inania

2consurgent reges terrae et principes tractabunt pariter adversum Dominum et adversum christum eius

3disrumpamus vincula eorum et proiciamus a nobis laqueos eorum

4habitator caeli ridebit Dominus subsannabit eos

5tunc loquetur ad eos in ira sua et in furore suo conturbabit eos

6ego autem orditus sum regem meum super Sion montem sanctum suum adnuntiabo Dei praeceptum

7Dominus dixit ad me filius meus es tu ego hodie genui te

8postula a me et dabo tibi gentes hereditatem tuam et possessionem tuam terminos terrae

9pasces eos in virga ferrea ut vas figuli conteres eos

10nunc ergo reges intellegite erudimini iudices terrae

11servite Domino in timore et exultate in tremore

12adorate pure ne forte irascatur et pereatis de via

13cum exarserit post paululum furor eius beati omnes qui sperant in eum